«Барселона» ҳужумчиси Роберт Левандовски унинг ёши ўтаётгани ҳақидаги танқидларга қўшилмайди.

Польшалик юлдузнинг таъкидлашича, одамлар унинг ўйинига фақатгина ёш призмаси орқали қарамоқдалар, ваҳоланки бу алдамчи қарашдир.

«Мен ўзимни жуда юқори даражада ҳис қиляпман ва ҳаракатланиш қобилиятим пасайганини сезмаяпман. Жисмоний ҳолат ёки футбол маҳорати бобида ёш ўйинчилардан ортда қолаётганим йўқ. Агар ҳар уч кунда 90 дақиқадан ўйнаш керак бўлса, бунга тайёрман», — дейди ҳужумчи.

37 ёшли футболчи ўз спорт формасига тўлиқ ишонч билдирмоқда.