«Barselona» yarim himoyachisi Dani Olmo jamoadoshlaridan kimni eng past baholangan deb hisoblashini ochiqladi.

27 yoshli futbolchi joriy mavsumda Xans-Diter Flik uchun asosiy o‘yinchilardan biriga aylangan himoyachi Erik Garsiyani alohida qayd etdi.

«Erik — tarkibimizdagi eng past baholangan futbolchi. Hozir uni avvalgiga qaraganda ko‘proq qadrlashyapti, lekin men baribir uning ismini aytgan bo‘lardim», — deya Olmoning javobidan iqtibos keltirmoqda «Barca Universal».

Garsiya joriy mavsumda «ko‘k-anorranglilar» safida 39 ta o‘yinda maydonga tushib, bitta gol urdi va ikkita golli uzatmani amalga oshirdi. Dekabr oyida universal markaziy himoyachi klub bilan shartnomasini 2031 yilgacha uzaytirgan edi.