«Барселона» ярим ҳимоячиси Дани Ольмо жамоадошларидан кимни энг паст баҳоланган деб ҳисоблашини очиқлади.
27 ёшли футболчи жорий мавсумда Ханс-Дитер Флик учун асосий ўйинчилардан бирига айланган ҳимоячи Эрик Гарсияни алоҳида қайд этди.
«Эрик — таркибимиздаги энг паст баҳоланган футболчи. Ҳозир уни аввалгига қараганда кўпроқ қадрлашяпти, лекин мен барибир унинг исмини айтган бўлардим», — дея Ольмонинг жавобидан иқтибос келтирмоқда «Barca Universal».
Гарсия жорий мавсумда «кўк-анорранглилар» сафида 39 та ўйинда майдонга тушиб, битта гол урди ва иккита голли узатмани амалга оширди. Декабрь ойида универсал марказий ҳимоячи клуб билан шартномасини 2031 йилгача узайтирган эди.
