Agar hujumkor yarim himoyachi Alexandro Garnachoning o‘yini yaxshilanmasa, «Chelsi» uni yozgi transfer oynasida sotishga harakat qilishi mumkin. Bu haqda jurnalist Bobbi Vinsentning ma’lumotiga tayanib, «Transfer News Live» xabar bermoqda.
Hozirgi bosqichda Garnachoning transferi kafolatlanmagan. Ammo argentinalik futbolchining sport formasi yaxshilanmasa, u asosiy tarkibdagi o‘rnini yo‘qotish xavfi ostida qoladi.
Alexandro Garnacho o‘tgan yozning oxirida «Manchester Yunayted»dan «Chelsi»ga o‘tgan edi. O‘shandan beri futbolchi 29 ta o‘yinda maydonga tushib, o‘z hisobiga oltita gol va uchta golli uzatmani yozdirib qo‘ydi.
«Transfermarkt» portali 21 yoshli Garnachoni 45 million yevroga baholamoqda.
