Агар ҳужумкор ярим ҳимоячи Алехандро Гарначонинг ўйини яхшиланмаса, «Челси» уни ёзги трансфер ойнасида сотишга ҳаракат қилиши мумкин. Бу ҳақда журналист Бобби Винсентнинг маълумотига таяниб, «Transfer News Live» хабар бермоқда.
Ҳозирги босқичда Гарначонинг трансфери кафолатланмаган. Аммо аргентиналик футболчининг спорт формаси яхшиланмаса, у асосий таркибдаги ўрнини йўқотиш хавфи остида қолади.
Алехандро Гарначо ўтган ёзнинг охирида «Манчестер Юнайтед»дан «Челси»га ўтган эди. Ўшандан бери футболчи 29 та ўйинда майдонга тушиб, ўз ҳисобига олтита гол ва учта голли узатмани ёздириб қўйди.
«Transfermarkt» портали 21 ёшли Гарначони 45 миллион еврога баҳоламоқда.
