«Fenerbaxche» yarim himoyachisi Matteo Genduzi Yevropa Ligasi pley-off bosqichi javob o‘yini doirasida «Nottingem» ustidan qozonilgan g‘alaba (2:1) haqida o‘z fikrlarini bildirdi.
«O‘zimiz bilan faxrlansak arziydi. Angliyada biz ko‘rsatgan o‘yinni namoyish etish oson emas. Biz keyingi bosqichga chiqish imkoniyatini o‘z uyimizdagi birinchi o‘yindayoq (0:3) boy berib qo‘ygan edik, ammo men jamoamiz va futbolchilarimizdan faxrlanaman. Bizda uchinchi golni urish uchun ham vaziyatlar bo‘ldi, lekin biz Yevropa Ligasining joriy mavsumdagi eng kuchli jamoalaridan biriga qarshi o‘ynadik», — deya Genduzining so‘zlaridan iqtibos keltirmoqda UEFA matbuot xizmati.
Eslatib o‘tamiz, «Nottingem Forest» dastlabki bahsda 3:0 hisobida g‘alaba qozongani sababli Yevropa Ligasining 1/8 finaliga yo‘l oldi. U yerda jamoa «Betis» yoki «Midtyulland»ga qarshi maydonga tushadi. Qur’a tashlash marosimi juma kuni, 27 fevralda bo‘lib o‘tadi.
