«Фенербахче» ярим ҳимоячиси Маттео Гендузи Европа Лигаси плей-офф босқичи жавоб ўйини доирасида «Ноттингем» устидан қозонилган ғалаба (2:1) ҳақида ўз фикрларини билдирди.
«Ўзимиз билан фахрлансак арзийди. Англияда биз кўрсатган ўйинни намойиш этиш осон эмас. Биз кейинги босқичга чиқиш имкониятини ўз уйимиздаги биринчи ўйиндаёқ (0:3) бой бериб қўйган эдик, аммо мен жамоамиз ва футболчиларимиздан фахрланаман. Бизда учинчи голни уриш учун ҳам вазиятлар бўлди, лекин биз Европа Лигасининг жорий мавсумдаги энг кучли жамоаларидан бирига қарши ўйнадик», — дея Гендузининг сўзларидан иқтибос келтирмоқда УEФА матбуот хизмати.
Эслатиб ўтамиз, «Ноттингем Форест» дастлабки баҳсда 3:0 ҳисобида ғалаба қозонгани сабабли Европа Лигасининг 1/8 финалига йўл олди. У ерда жамоа «Бетис» ёки «Мидтьюлланд»га қарши майдонга тушади. Қуръа ташлаш маросими жума куни, 27 февралда бўлиб ўтади.
