"Chelsi"ning sobiq futbolchisi Jon Obi Mikel jamoa yetakchisi Koul Palmerning "Manchester Yunayted"ga o‘tishi mumkinligi haqidagi xabarlarga munosabat bildirdi. Avvalroq Britaniya OAVlarida shunday mish-mishlar paydo bo‘lgan edi. Futbolchi go‘yoki Londondagi holatidan norozi.
Mikelning ta’kidlashicha, bu gap-so‘zlar o‘z-o‘zidan paydo bo‘lib qolmagan. U Palmer haqiqatan ham "Chelsi"da nimadandir norozi deb hisoblaydi.
"Koul Palmer unchalik xursand emas, bu ko‘rinib turibdi. Ha, uning jarohatlar bilan muammolari bo‘ldi, u eng yaxshi formasida emas, lekin u o‘yinga qaytdi. Uning "Manchester Yunayted"ga o‘tishi mumkinligi haqida mish-mishlar yuribdi, bundan qochib bo‘lmaydi. Shamol bo‘lmasa, daraxtning uchi qimirlamaydi, tushunyapsizmi?" — dedi Mikel.
