"Челси"нинг собиқ футболчиси Жон Оби Микел жамоа етакчиси Коул Палмернинг "Манчестер Юнайтед"га ўтиши мумкинлиги ҳақидаги хабарларга муносабат билдирди. Аввалроқ Британия ОАВларида шундай миш-мишлар пайдо бўлган эди. Футболчи гўёки Лондондаги ҳолатидан норози.

Микелнинг таъкидлашича, бу гап-сўзлар ўз-ўзидан пайдо бўлиб қолмаган. У Палмер ҳақиқатан ҳам "Челси"да нимадандир норози деб ҳисоблайди.

"Коул Палмер унчалик хурсанд эмас, бу кўриниб турибди. Ҳа, унинг жароҳатлар билан муаммолари бўлди, у энг яхши формасида эмас, лекин у ўйинга қайтди. Унинг "Манчестер Юнайтед"га ўтиши мумкинлиги ҳақида миш-мишлар юрибди, бундан қочиб бўлмайди. Шамол бўлмаса, дарахтнинг учи қимирламайди, тушуняпсизми?" — деди Микел.