«PSJ» bosh murabbiyi Luis Enrike Chempionlar ligasi 1/8 final qur’asi natijalariga ko‘ra uning jamoasi «Chelsi» bilan to‘qnash keladigan bo‘lganidan keyin o‘z fikrlarini bildirdi.
«Qur’a? Odatdagidek, hayajonli. Men juda xursandman. Eng yaxshi jamoalardan biri, biz yaxshi biladigan raqibga qarshi o‘ynash qiziq bo‘ladi. Hech qanday qasd olish hissi yo‘q, bu boshqa musobaqa. Bu bizning yo‘limiz, biz bunga o‘rganib qolganmiz. Biz — amaldagi chempionmiz. Muammolar bizga qarshi o‘ynaydigan boshqa jamoalarda bo‘ladi. Bizga 1/8 final qur’asidan joy olganimiz yoqadi, bu bizning darajamizni ko‘rsatadi. Mavsumning hal qiluvchi pallasi yaqinlashmoqda», — deya Enrikening so‘zlarini keltiradi RMC Sport.
Chempionlar ligasining joriy mavsumi 1/8 final o‘yinlari 10-11 mart va 17-18 mart kunlari bo‘lib o‘tadi. Turnir finali Budapeshtdagi «Pushkash Arena» stadionida o‘tkaziladi. Musobaqaning hal qiluvchi bahsi 2026 yil 30 may kuniga belgilangan.
