«ПСЖ» бош мураббийи Луис Энрике Чемпионлар лигаси 1/8 финал қуръаси натижаларига кўра унинг жамоаси «Челси» билан тўқнаш келадиган бўлганидан кейин ўз фикрларини билдирди.
«Қуръа? Одатдагидек, ҳаяжонли. Мен жуда хурсандман. Энг яхши жамоалардан бири, биз яхши биладиган рақибга қарши ўйнаш қизиқ бўлади. Ҳеч қандай қасд олиш ҳисси йўқ, бу бошқа мусобақа. Бу бизнинг йўлимиз, биз бунга ўрганиб қолганмиз. Биз — амалдаги чемпионмиз. Муаммолар бизга қарши ўйнайдиган бошқа жамоаларда бўлади. Бизга 1/8 финал қуръасидан жой олганимиз ёқади, бу бизнинг даражамизни кўрсатади. Мавсумнинг ҳал қилувчи палласи яқинлашмоқда», — дея Энрикенинг сўзларини келтиради RMC Sport.
Чемпионлар лигасининг жорий мавсуми 1/8 финал ўйинлари 10-11 март ва 17-18 март кунлари бўлиб ўтади. Турнир финали Будапештдаги «Пушкаш Арена» стадионида ўтказилади. Мусобақанинг ҳал қилувчи баҳси 2026 йил 30 май кунига белгиланган.
