Milanning "Inter" klubi "Liverpul" yarim himoyachisi Kyortis Jonsni o‘z safiga qo‘shib olish variantini ko‘rib chiqmoqda. "Neradzurri" qishki transfer oynasida futbolchini ijaraga olish bo‘yicha muzokaralar olib borgan edi, biroq ular muvaffaqiyatsiz yakunlangan.
Italiyaliklar o‘z niyatidan qaytmoqchi emaslar va o‘yinchini yozda sotib olishga harakat qilib ko‘rishadi. Corriere dello Sport nashrining xabariga ko‘ra, ushbu transfer bo‘yicha yakuniy qaror Davide Frattezining jamoadan ehtimoliy ketishiga bog‘liq bo‘ladi.
Jons 2025/2026 yilgi mavsumda barcha turnirlarda 34 ta o‘yin o‘tkazib, bitta gol urdi va bitta golli uzatmani amalga oshirdi. "Liverpul" tarbiyalanuvchisi hisoblangan futbolchining klubi bilan shartnomasi 2027 yilning 30 iyuniga qadar mo‘ljallangan. 25 yoshli futbolchining bozor qiymati 40 million yevroni tashkil qiladi.
