Миланнинг "Интер" клуби "Ливерпуль" ярим ҳимоячиси Кёртис Жонсни ўз сафига қўшиб олиш вариантини кўриб чиқмоқда. "Нерадзурри" қишки трансфер ойнасида футболчини ижарага олиш бўйича музокаралар олиб борган эди, бироқ улар муваффақиятсиз якунланган.
Италияликлар ўз ниятидан қайтмоқчи эмаслар ва ўйинчини ёзда сотиб олишга ҳаракат қилиб кўришади. Corriere dello Sport нашрининг хабарига кўра, ушбу трансфер бўйича якуний қарор Давиде Фраттезининг жамоадан эҳтимолий кетишига боғлиқ бўлади.
Жонс 2025/2026 йилги мавсумда барча турнирларда 34 та ўйин ўтказиб, битта гол урди ва битта голли узатмани амалга оширди. "Ливерпуль" тарбияланувчиси ҳисобланган футболчининг клуби билан шартномаси 2027 йилнинг 30 июнига қадар мўлжалланган. 25 ёшли футболчининг бозор қиймати 40 миллион еврони ташкил қилади.
