Farg‘onada yangi mavsum starti "Neftchi" uchun haqiqiy bayramga aylandi. Islombek Ismoilov shogirdlari o‘z maydonlarida Muborakning "Mash’al" jamoasini qabul qilib, yirik hisobdagi g‘alaba bilan mavsumni boshlashdi - 3:0.
"Istiqlol" stadionida kechgan bahsda mezbonlar yaqqol ustunlik namoyish etishdi. O‘yinning boshidanoq tashabbusni qo‘lga olgan "yo‘lbarslar" raqib darvozasiga yo‘l topishda qiynalmadi.
Uchrashuvdagi gollarning barchasi "Neftchi"ning xorijlik futbolchilari tomonidan kiritildi:
-
9-daqiqa: Himoyachi Boyan Siger standart vaziyatdan so‘ng hisobni ochdi — 1:0.
-
30-daqiqa: Yangi hujumchi Stipe Perisa o‘zining debyut o‘yinidayoq gol urishga muvaffaq bo‘ldi — 2:0.
-
76-daqiqa: Zaxiradan maydonga tushgan Zoran Marushich yakuniy nuqtani qo‘ydi — 3:0.
O‘zbekiston Superligasi. 1-tur
"Neftchi" — "Mash’al" — 3:0
Gollar: Boyan Siger (9), Stipe Perisa (30), Zoran Marushich (76).
"Neftchi": Botirali Ergashev, Boyan Siger, Ibrohimhalil Yo‘ldoshev, Abrorbek Ismoilov (Asilbek Jumayev, 78), Vladimir Yovovich (Jurani Ferreyra, 78), Jamshid Iskanderov (Farruh Sayfiyev, 86), Stipe Perisa (Xurshid G‘iyosov, 68), Anvarjon G‘ofurov, Muhsinjon Ubaydullayev, Alisher Odilov (Zoran Marushich, 68), Yovan Jokich.
"Mash’al": Dostonbek To‘xtaboyev, Zafarbek Akramov, Samandar Ochilov, Sardor Abduraimov (Anvar Murodov, 82), Ibrohim G‘anixonov (Ilhomjon Abdig‘aniyev, 82), Humoyun Murtozayev (Nuriddin Nuridinov, 72), Abdul Rashid Abubakar, Muhammadali Aliqulov (Sherzod Fayziyev, 84), Ergash Ismoilov, Roman Xadjiyev, Augustine Kvem (Nurjahon Muzaffarov, 82).
Ogohlantirishlar: Anvarjon G‘ofurov (90+1) — Ergash Ismoilov (7), Muhammadali Aliqulov (55), Sardor Abduraimov (57).
