"PSJ" bosh murabbiyi Luis Enrike Fransiya chempionati 24-turidan o‘rin olgan "Gavr"ga qarshi bahsdagi g‘alaba (1:0) haqida o‘z fikrlarini bildirdi.
"Bu juda qiyin bo‘ldi, chunki menimcha, natija maydonda sodir bo‘lgan voqealarni aks ettirmadi. O‘yin bo‘yicha biz shubhasiz g‘alabaga loyiq edik. Ko‘plab vaziyatlar yaratdik, penaltidan foydalana olmadik. Yakunda hisob biz loyiq bo‘lgan narsaga umuman mos kelmadi. Ammo gol urish va ishni oxiriga yetkazish uchun aniqroq harakat qilish kerak. Bunday holat avval ham kuzatilgan. Shuni tushunish kerakki: agar Gavrdagi o‘yinni asabiy yakunsiz tugatishni istasang, sovuqqonroq va aniqroq harakat qilishing lozim.
Murabbiylik hayoti shunaqa. Har mavsumda doim azob bor. O‘tgan yili hamma narsani yutgandik, lekin o‘shanda ham ko‘p hayajonlanganmiz. Bu kasbning mazmuni ham shunda. Bu o‘ziga xos ish. Men o‘yinning katta qismida g‘azabda va asabiy holatda edim, chunki biz ko‘prog‘iga loyiq edik. Futbolchilar yana o‘zlariga bo‘lgan ishonchni qaytarishlarini istardim, lekin bu oson emas. O‘sishimiz kerak", — deya Enrikening so‘zlarini keltiradi Culture PSG.
