"ПСЖ" бош мураббийи Луис Энрике Франция чемпионати 24-туридан ўрин олган "Гавр"га қарши баҳсдаги ғалаба (1:0) ҳақида ўз фикрларини билдирди.

"Бу жуда қийин бўлди, чунки менимча, натижа майдонда содир бўлган воқеаларни акс эттирмади. Ўйин бўйича биз шубҳасиз ғалабага лойиқ эдик. Кўплаб вазиятлар яратдик, пенальтидан фойдалана олмадик. Якунда ҳисоб биз лойиқ бўлган нарсага умуман мос келмади. Аммо гол уриш ва ишни охирига етказиш учун аниқроқ ҳаракат қилиш керак. Бундай ҳолат аввал ҳам кузатилган. Шуни тушуниш керакки: агар Гаврдаги ўйинни асабий якунсиз тугатишни истасанг, совуққонроқ ва аниқроқ ҳаракат қилишинг лозим.

Мураббийлик ҳаёти шунақа. Ҳар мавсумда доим азоб бор. Ўтган йили ҳамма нарсани ютгандик, лекин ўшанда ҳам кўп ҳаяжонланганмиз. Бу касбнинг мазмуни ҳам шунда. Бу ўзига хос иш. Мен ўйиннинг катта қисмида ғазабда ва асабий ҳолатда эдим, чунки биз кўпроғига лойиқ эдик. Футболчилар яна ўзларига бўлган ишончни қайтаришларини истардим, лекин бу осон эмас. Ўсишимиз керак", — дея Энрикенинг сўзларини келтиради Culture PSG.