"Kristal Pelas" bosh murabbiyi Oliver Glasner Angliya chempionati 28-turidan o‘rin olgan "MYU"ga qarshi o‘yin oldidan matbuot anjumanida ishtirok etdi. Uchrashuv 1 mart kuni bo‘lib o‘tadi va Toshkent vaqti bilan soat 19:00 da boshlanadi.
Bir necha kun oldin "burgutlar" Bosniyaning "Zrinski" jamoasini 2:0 hisobida mag‘lub etib, Konferensiyalar ligasining keyingi bosqichiga yo‘l olgan edi. Bu g‘alaba jamoa uchun o‘z darvozasidan to‘p olib chiqmasdan qo‘lga kiritilgan ketma-ket ikkinchi muvaffaqiyat bo‘ldi.
"Biz "Old Trafford"dagi o‘yinni intiqlik bilan kutyapmiz. U yerda qozonilgan 2:0 hisobidagi g‘alabamiz haqida ajoyib xotiralarimiz bor. Lakrua 3 kun ichida ikki marta o‘ynash uchun yetarlicha sport formasida bo‘ladimi? Yaxshi savol. Bilmayman, lekin umid qilamanki, o‘tgan o‘yinda kiritilgan gol unga biroz yordam beradi", — deya Glasnerning so‘zlarini keltiradi klub rasmiy sayti.
Glasner, shuningdek, bu galgi bahs jamoalar o‘rtasidagi avvalgi to‘qnashuvdan farq qilishini ta’kidladi. Murabbiy Maykl Kerrik qo‘l ostida 6 ta o‘yindan 5 tasida g‘alaba qozongan raqibning sport formasini yuqori baholadi. Uning so‘zlariga ko‘ra, jamoada "yaxshi balans" va "ajoyib jamoaviy ruh" shakllangan.
"Kristal Pelas" 35 ochko bilan o‘n uchinchi o‘rinda bormoqda. "Manchester Yunayted" esa 48 ochko bilan to‘rtinchi pog‘onani egallab turibdi.
