"Кристал Пэлас" бош мураббийи Оливер Гласнер Англия чемпионати 28-туридан ўрин олган "МЮ"га қарши ўйин олдидан матбуот анжуманида иштирок этди. Учрашув 1 март куни бўлиб ўтади ва Тошкент вақти билан соат 19:00 да бошланади.
Бир неча кун олдин "бургутлар" Босниянинг "Зриньски" жамоасини 2:0 ҳисобида мағлуб этиб, Конференциялар лигасининг кейинги босқичига йўл олган эди. Бу ғалаба жамоа учун ўз дарвозасидан тўп олиб чиқмасдан қўлга киритилган кетма-кет иккинчи муваффақият бўлди.
"Биз "Олд Траффорд"даги ўйинни интиқлик билан кутяпмиз. У ерда қозонилган 2:0 ҳисобидаги ғалабамиз ҳақида ажойиб хотираларимиз бор. Лакруа 3 кун ичида икки марта ўйнаш учун етарлича спорт формасида бўладими? Яхши савол. Билмайман, лекин умид қиламанки, ўтган ўйинда киритилган гол унга бироз ёрдам беради", — дея Гласнернинг сўзларини келтиради клуб расмий сайти.
Гласнер, шунингдек, бу галги баҳс жамоалар ўртасидаги аввалги тўқнашувдан фарқ қилишини таъкидлади. Мураббий Майкл Кэррик қўл остида 6 та ўйиндан 5 тасида ғалаба қозонган рақибнинг спорт формасини юқори баҳолади. Унинг сўзларига кўра, жамоада "яхши баланс" ва "ажойиб жамоавий руҳ" шаклланган.
"Кристал Пэлас" 35 очко билан ўн учинчи ўринда бормоқда. "Манчестер Юнайтед" эса 48 очко билан тўртинчи поғонани эгаллаб турибди.
