Fransiya chempionatining 24-turi doirasida bo‘lib o‘tgan markaziy uchrashuvda «Marsel» o‘z uyida «Lion» ustidan 3:2 hisobida g‘alaba qozondi.
Mezbonlar safida Igor Payshao va Pyer-Emerik Obameyang (dubl) gol muallifiga aylanishdi. Mehmonlar tarkibida esa Korenten Tolisso va Remi Ximbert o‘zlarini ko‘rsatishdi. Shuningdek, o‘yinning 51-daqiqasida VAR (videotakror) aralashuvidan so‘ng Tolisso tomonidan kiritilgan gol ofsayd sababli bekor qilindi.
«Lion» 24 ta o‘yindan so‘ng 45 ochko jamg‘arib, Fransiya chempionati turnir jadvalida uchinchi o‘rinni egallab turibdi. «Marsel» esa 24 ta bahsda 43 ochko to‘plagan holda to‘rtinchi pog‘onada bormoqda.
Keyingi turda, 8 mart kuni «Lion» o‘z maydonida «Parij»ni qabul qiladi. «Marsel» esa 7 mart kuni safarda «Tuluza» mehmoni bo‘ladi.
Liga 1. 24-tur
02.03.2026 | 00:45
«Velodrom», Marsel
«MARSEL» — «LION» — 3:2
Gollar: Korenten Tolisso 3’ (0:1), Igor Payshan 52’ (1:1), Yannik Ximbert 76’ (1:2), Pyer-Emerik Obameyang 81’ (2:2), Pyer-Emerik Obameyang 90’ (3:2).
«Marsel»: Ruli, Balerdi, Agerd, Emerson, Vea (Pavar, 84), Kondogbya (Abdelli, 85), Xeybyerg, Timber (Payshan, 46), Traore (Nvaneri, 63), Grinvud (Nnadi, 90+1), Obameyang.
«Lion»: Greyf, Niakate, Mata, Talyafiko (Abner, 88), Meytland-Nayls, Morton, Tessmann, Tolisso, Narti, Endrik, Yaremchuk (Ximbert, 60).
Ogohlantirishlar: Kondogbya (74), Agerd (83), Abdelli (90) — Mata (30), Morton (45).
