«Arsenal» «Manchester Yunayted»dan uchralgan mag‘lubiyatdan (2:3) so‘ng ketma-ket 9 ta o‘yindan beri mag‘lubiyat nimaligini bilmayapti — 7 ta g‘alaba va 2 ta durang.
«Kanonirlar» kecha o‘z maydonida APLning 28-turi doirasida kechgan derbida «Chelsi» ustidan g‘alaba qozondi (2:1).
Jamoaning so‘nggi mag‘lubiyati 25 yanvar kuni «Manchester Yunayted»ga qarshi bahsda (2:3) qayd etilgan edi. O‘shandan beri Premyer-liga, Chempionlar ligasi, Angliya kubogi va Liga kubogi doirasida «Arsenal» yettita g‘alabaga erishdi va ikki marta durang o‘ynadi.
4 mart kuni APL peshqadami safarda «Brayton» jamoasi mehmoni bo‘ladi.
