«Arsenal»ning standart vaziyatlar bo‘yicha murabbiyi Nikolya Joverning shartnomasida alohida bonuslar ko‘zda tutilgan, deb xabar bermoqda The Athletic.
Manba bergan ma’lumotga ko‘ra, 44 yoshli fransuz jamoa standart vaziyatlardan so‘ng urgan har bir goli uchun mukofot puli oladi. Uning London klubi bilan kelishuvi 2027 yilgacha mo‘ljallangan.
«Arsenal» bosh murabbiyi Mikel Arteta Joverni 2021 yilning iyul oyida «Manchester Siti»dan taklif qilgan edi. Joriy mavsumda «to‘pchilar» burchak to‘plaridan so‘ng allaqachon 16 bor raqib darvozasini ishg‘ol qilishdi — bu klubning Angliya chempionatidagi bir mavsum uchun mutlaq rekordidir.
Avvalroq xuddi shunday ko‘rsatkichni «Oldem» (1992/1993 yilgi mavsum), «Vest Bromvich Albion» (2016/2017) hamda «Arsenal»ning o‘zi (2023/2024) qayd etgan edi.
Londonga ko‘chib o‘tishdan oldin Jover «Brentford»da ishlagan, Xorvatiya terma jamoasi va «Monpelye» klublarida tahlilchi sifatida faoliyat yuritgan.
