«Liverpul» bosh murabbiyi Arne Slot Angliya Premyer-ligasining 29-turida bo‘lib o‘tgan «Vulverxempton»ga qarshi o‘yin (1:2) borasida o‘z fikrini bildirib o‘tdi.

— Yomon natija. Birinchi bo‘limda kerakli darajada o‘ynay olmadik, ikkinchi bo‘limda esa faolligimizni oshirdik. Imkoniyatlar yaratdik, ammo raqib ilk bor jarima maydonimizga kirgan vaziyatda gol o‘tkazib yubordik. Tez javob qaytardik va bir necha bor g‘alabani ilib ketishga yaqin keldik. Biroq yakunda rikoshet orqali, deyarli aniq golli vaziyatsiz mag‘lub bo‘ldik. Ayniqsa, gol urish uchun qanchalik mehnat qilishimiz kerakligini inobatga olsak, bu juda alamli. Asosan standart vaziyatlardan gol uramiz, boshqa imkoniyatlarni amalga oshirishda muammolar bor, — dedi Slot NBC Sports nashriga bergan intervyusida.

Ushbu o‘yindan so‘ng «Liverpul» 48 ochko bilan Angliya chempionati turnir jadvalida beshinchi o‘rinda bormoqda. «Vulverxempton» esa 16 ochko bilan 20-o‘rin — so‘nggi pog‘onada qolmoqda.