«Ливерпуль» бош мураббийи Арне Слот Англия Премьер-лигасининг 29-турида бўлиб ўтган «Вулверхэмптон»га қарши ўйин (1:2) борасида ўз фикрини билдириб ўтди.
— Ёмон натижа. Биринчи бўлимда керакли даражада ўйнай олмадик, иккинчи бўлимда эса фаоллигимизни оширдик. Имкониятлар яратдик, аммо рақиб илк бор жарима майдонимизга кирган вазиятда гол ўтказиб юбордик. Тез жавоб қайтардик ва бир неча бор ғалабани илиб кетишга яқин келдик. Бироқ якунда рикошет орқали, деярли аниқ голли вазиятсиз мағлуб бўлдик. Айниқса, гол уриш учун қанчалик меҳнат қилишимиз кераклигини инобатга олсак, бу жуда аламли. Асосан стандарт вазиятлардан гол урамиз, бошқа имкониятларни амалга оширишда муаммолар бор, — деди Слот NBC Sports нашрига берган интервьюсида.
Ушбу ўйиндан сўнг «Ливерпуль» 48 очко билан Англия чемпионати турнир жадвалида бешинчи ўринда бормоқда. «Вулверхэмптон» эса 16 очко билан 20-ўрин — сўнгги поғонада қолмоқда.













