«Barselona» bosh murabbiyi Xans-Diter Flik yarim himoyachi Pedrining sog‘lig‘i borasidagi savolga javob berdi.

23 yoshli futbolchi Ispaniya Kubogi yarim finali doirasida «Atletiko»ga qarshi kechgan javob bahsida (3:0) «ko‘k-anorranglilar»ning asosiy tarkibida maydonga tushdi. Bu ispaniyalik yulduzning safga qaytganidan keyingi ilk to‘liq uchrashuvi bo‘ldi.

«Hammasi yaxshi yakunlanganidan xursandman. Pedri maysa ustiga yiqilganida, undan o‘yinni davom ettira olishini so‘radim. Uning maydonda qolishi biz uchun o‘ta muhim edi va u hammasi joyida ekanligini aytdi. Biz tavakkal qildik», — deya The Touchline nashri Flikning so‘zlarini keltirmoqda.

Eslatib o‘tamiz, «Atletiko» dastlabki uchrashuvdagi 4:0 hisobidagi g‘alabasi evaziga ikki o‘yin natijasiga ko‘ra 4:3 hisobida zafar quchib, keyingi bosqichga yo‘l oldi.