«Барселона» бош мураббийи Ханс-Дитер Флик ярим ҳимоячи Педрининг соғлиғи борасидаги саволга жавоб берди.

23 ёшли футболчи Испания Кубоги ярим финали доирасида «Атлетико»га қарши кечган жавоб баҳсида (3:0) «кўк-анорранглилар»нинг асосий таркибида майдонга тушди. Бу испаниялик юлдузнинг сафга қайтганидан кейинги илк тўлиқ учрашуви бўлди.

«Ҳаммаси яхши якунланганидан хурсандман. Педри майса устига йиқилганида, ундан ўйинни давом эттира олишини сўрадим. Унинг майдонда қолиши биз учун ўта муҳим эди ва у ҳаммаси жойида эканлигини айтди. Биз таваккал қилдик», — дея The Touchline нашри Фликнинг сўзларини келтирмоқда.

Эслатиб ўтамиз, «Атлетико» дастлабки учрашувдаги 4:0 ҳисобидаги ғалабаси эвазига икки ўйин натижасига кўра 4:3 ҳисобида зафар қучиб, кейинги босқичга йўл олди.