Bundesligaga qaytishga harakat qilayotgan Germaniyaning «Shalke» klubi hujumchi Edin Jekoga yangi shartnoma taklif qilmoqchi. Bu haqda «Sport Bild» nashri xabar bermoqda.

O‘tgan qishda Germaniyaga qaytganidan so‘ng, 39 yoshli futbolchi olti oylik shartnoma imzolagan edi. U ikkinchi Bundesliganing 6 ta o‘yinida 4 ta gol urishga va 3 ta golli uzatmani amalga oshirishga ulgurdi. Hozirda uning jamoasi eng yaqin ta’qibchisidan 1 ochko oldinda bo‘lgan holda, birinchi o‘rinda bormoqda.

«Shalke» bosniyalik futbolchiga bir yillik shartnoma taklif qilishga tayyor, biroq hozircha futbolchi faoliyatini davom ettirish yoki ettirmaslik borasida bir qarorga kelgani yo‘q.

Ma’lumot uchun, Jeko faoliyati davomida «Volfsburg», «Manchester Siti», «Roma», «Inter» va boshqa bir qator klublar sharafini himoya qilgan. Bosniya va Gersegovina terma jamoasi safida esa 146 ta o‘yinda ishtirok etib, 72 ta gol urgan.