Бундеслигага қайтишга ҳаракат қилаётган Германиянинг «Шальке» клуби ҳужумчи Эдин Жекога янги шартнома таклиф қилмоқчи. Бу ҳақда «Sport Bild» нашри хабар бермоқда.

Ўтган қишда Германияга қайтганидан сўнг, 39 ёшли футболчи олти ойлик шартнома имзолаган эди. У иккинчи Бундеслиганинг 6 та ўйинида 4 та гол уришга ва 3 та голли узатмани амалга оширишга улгурди. Ҳозирда унинг жамоаси энг яқин таъқибчисидан 1 очко олдинда бўлган ҳолда, биринчи ўринда бормоқда.

«Шальке» босниялик футболчига бир йиллик шартнома таклиф қилишга тайёр, бироқ ҳозирча футболчи фаолиятини давом эттириш ёки эттирмаслик борасида бир қарорга келгани йўқ.

Маълумот учун, Жеко фаолияти давомида «Вольфсбург», «Манчестер Сити», «Рома», «Интер» ва бошқа бир қатор клублар шарафини ҳимоя қилган. Босния ва Герцеговина терма жамоаси сафида эса 146 та ўйинда иштирок этиб, 72 та гол урган.