«Nyukasl» bosh murabbiyi Eddi Xau uning jamoasi har qanday raqibga qarshi kurasha olishi va ochko olishiga qodir ekanini ma’lum qildi.
Kecha APLning 29-turi doirasida «qarg‘alar» o‘z maydonida «Manchester Yunayted»ni 2:1 hisobida mag‘lubiyatga uchratdi.
«Nyukasl» har qanday jamoa bilan raqobatlasha olishini isbotladi», — deya Xauning so‘zlaridan iqtibos keltiradi BBC.
Shu tariqa, «Nyukasl» mankunianliklarning APLdagi 11 o‘yindan iborat mag‘lubiyatsiz seriyasini to‘xtatdi. «Qarg‘alar» ochkolari sonini 39 taga yetkazib, turnir jadvalida 12-o‘rinni egallab turishibdi.
«MYU» esa 51 ochko bilan «Aston Villa» bilan birga uchinchi va to‘rtinchi o‘rinlarni bo‘lishib turibdi. Keyingi turda «Nyukasl»ga «Chelsi» raqiblik qiladi. Uchrashuv 14 mart kuni Londonda bo‘lib o‘tadi.
