«Bornmut» bosh murabbiyi Andoni Iraola, mavsum yakunida jamoadan ketishi haqidagi mish-mishlarga qaramay, klub bilan amaldagi shartnomasini uzaytirish imkoniyatini ko‘rib chiqmoqda. Bu haqda Daily Mail Sport nashri xabar bermoqda.

Manbaning ma’lumotlariga ko‘ra, 43 yoshli ispaniyalik mutaxassis «Bornmut»dagi faoliyatini davom ettirishga tayyor, vaholanki unga Londonning ikki klubi — «Kristal Pelas» va «Tottenxem» tomonidan jiddiy qiziqish mavjud.

Iraola 2023 yilning yozidan buyon «Bornmut»ni boshqarib kelmoqda. Ayni damda jamoa Angliya Premyer-ligasi turnir jadvalida 40 ochko bilan to‘qqizinchi o‘rinni egallab turibdi.

Iraolaning «Bornmut» bilan amaldagi mehnat shartnomasi shu yilning yozida o‘z nihoyasiga yetadi.