Yanvar oyida Xabi Alonso «Real Madrid» bosh murabbiyi lavozimidan ozod etilgan edi. Madrid jamoasining sobiq futbolchisi Garet Beyl bu qarordan hayratlanmaganini bildirdi va ushbu mavzuda o‘z fikrlari bilan o‘rtoqlashdi.
«Xabi Alonsoning «Real»dan bo‘shatilgani meni ajablantirmadi. Agar siz taktik jihatdan haddan tashqari ko‘p narsalarni o‘ylab topmoqchi bo‘lsangiz... «Real»da shunchaki odamlar bilan ishlaydigan ajoyib menejer bo‘lish kifoya. Futbolchilarni mamnun tutish va ularga maydonda o‘zlari bilgan ishni qilishga qo‘yib berish kerak», — dedi Beyl The Overlap dasturida.
Ayni damda «Real Madrid» bosh murabbiyi lavozimida Alvaro Arbeloa faoliyat yuritmoqda. Jamoa La Liga turnir jadvalida peshqadam «Barselona»dan to‘rt ochko ortda qolgan holda ikkinchi o‘rinni egallab turibdi.
