Londonning «Arsenal» klubi maydon markazini kuchaytirish uchun yangi nomzodni tanladi. Indykaila News xabariga ko‘ra, «kanonirlar» «Nottingem Forest» yarim himoyachisi Elliot Andersonni sotib olish bo‘yicha faol qadamlarni tashlamoqda.

«Arsenal» mutasaddilari Deklan Rays va Elliot Anderson juftligi yaqin yillar ichida ingliz futbolida hukmronlik qilishiga ishonishmoqda.

Shu bilan birga, manbaning ta’kidlashicha, ushbu transfer natijasida Martin Subimendi jamoaning «qurboni»ga aylanishi mumkin. Futbolchining Ispaniyaga qaytishi istisno etilmayapti. Kelayotgan yozda Subimendi o‘z oilasi bilan birga klubdagi holatini qayta ko‘rib chiqishni rejalashtirgan. Eslatib o‘tamiz, Martin o‘tgan yozda (2025 yilda) «Real Sosyedad»dan «Arsenal»ga o‘tgan edi.

Ayni damda 23 yoshli Elliot Andersonning transfer qiymati 60 million yevroga baholanmoqda, biroq «Nottingem Forest» o‘z yulduzi uchun ko‘proq mablag‘ talab qilishi mumkin.