Italiyaning "Milan" klubi fransuz yarim himoyachisi Adriyen Rabyo hozirgi vaqtda Luka Modrichning aynan qaysi jihati uni hayratda qoldirayotgani haqida gapirib berdi. Ularning ikkalasi ham o‘tgan yilning yozida "Milan"ga ko‘chib o‘tishgan va yangi ustoz Massimiliano Allegri qo‘l ostida klubning hujumkor salohiyatini sezilarli darajada kuchaytirishdi.
"Uning o‘yin uslubi va texnikasini hamma biladi. Meni hayron qoldirgan narsa — uning 90 daqiqa davomida tinmay oldinga va orqaga yugurishi bo‘ldi. Qirq yoshda bu juda va juda kamyob xislat. Uning jismoniy holati ajoyib", — deya fransuz futbolchisining so‘zlarini keltiradi pianetamilan.it.
Eslatib o‘tamiz, ayni damda "Milan" Italiya A Seriya turnir jadvalida ikkinchi o‘rinni egallab turibdi.
