«Barselona» ustozi Xans-Diter Flik jamoa duch kelgan kadrlar muammosi haqidagi savolga javob berdi.

— Jarohatlar sizni xavotirga solyaptimi? Jamoa Kubok o‘yini uchun juda qimmat tovon to‘ladimi?

— Yo‘q, bunday holatlar bo‘lib turadi. Men bu vaziyatdan norozi ekanimni avval ham aytganman, lekin biz nimani yaxshilash mumkinligi haqida gapirishimiz kerak. Hammasini tahlil qilish lozim. Bu mening mas’uliyatim. Bu nafaqat tibbiy shtabga, balki murabbiyga ham bog‘liq mas’uliyatdir. Jarohatlar — yoqimsiz holat, ayniqsa mavsumning hozirgi muhim pallasida. Biroq bunga ijobiy qarash kerak: boshqa futbolchilar o‘z darajalarini ko‘rsatish uchun imkoniyatga ega bo‘lishmoqda.

Hozirda «Barselona» La Ligada peshqadamlik qilmoqda. Ikkinchi o‘rindagi «Real Madrid» esa kataloniyaliklardan to‘rt ochko orqada qolmoqda.