«Барселона» устози Ханс-Дитер Флик жамоа дуч келган кадрлар муаммоси ҳақидаги саволга жавоб берди.

— Жароҳатлар сизни хавотирга соляптими? Жамоа Кубок ўйини учун жуда қиммат товон тўладими?

— Йўқ, бундай ҳолатлар бўлиб туради. Мен бу вазиятдан норози эканимни аввал ҳам айтганман, лекин биз нимани яхшилаш мумкинлиги ҳақида гапиришимиз керак. Ҳаммасини таҳлил қилиш лозим. Бу менинг масъулиятим. Бу нафақат тиббий штабга, балки мураббийга ҳам боғлиқ масъулиятдир. Жароҳатлар — ёқимсиз ҳолат, айниқса мавсумнинг ҳозирги муҳим палласида. Бироқ бунга ижобий қараш керак: бошқа футболчилар ўз даражаларини кўрсатиш учун имкониятга эга бўлишмоқда.

Ҳозирда «Барселона» Ла Лигада пешқадамлик қилмоқда. Иккинчи ўриндаги «Реал Мадрид» эса каталонияликлардан тўрт очко орқада қолмоқда.