«Tottenxem» og‘ir kunlarni boshdan kechirmoqda. London jamoasi ayni damda xavfli hududdan atigi bir ochko oldinda bormoqda, xolos.

«The Touchline» nashrining xabar berishicha, boshqa klublar «shporlar»ning Premyer-ligadan tushib ketishi ehtimolini hisobga olib, jamoa yetakchilarini aldaqachon kuzata boshlashgan.

Shu bilan birga, jamoa Premyer-ligadagi o‘rnini saqlab qolishi yoki qolmasligidan qat’i nazar, uchta yulduz futbolchi shu yozda «Tottenxem»ni tark etishi qayd etilmoqda. Ushbu o‘yinchilar — himoyachilar Kristian Romero va Mikki van de Ven, shuningdek, hujumchi Risharlisondir.

24 yoshli Van de Ven 65 million yevroga, 27 yoshli Romero 60 million yevroga, 28 yoshli Risharlison esa 28 million yevroga baholanmoqda.