«Тоттенхэм» оғир кунларни бошдан кечирмоқда. Лондон жамоаси айни дамда хавфли ҳудуддан атиги бир очко олдинда бормоқда, холос.

«The Touchline» нашрининг хабар беришича, бошқа клублар «шпорлар»нинг Премьер-лигадан тушиб кетиши эҳтимолини ҳисобга олиб, жамоа етакчиларини алдақачон кузата бошлашган.

Шу билан бирга, жамоа Премьер-лигадаги ўрнини сақлаб қолиши ёки қолмаслигидан қатъи назар, учта юлдуз футболчи шу ёзда «Тоттенхэм»ни тарк этиши қайд этилмоқда. Ушбу ўйинчилар — ҳимоячилар Кристиан Ромеро ва Микки ван де Вен, шунингдек, ҳужумчи Ришарлисондир.

24 ёшли Ван де Вен 65 миллион еврога, 27 ёшли Ромеро 60 миллион еврога, 28 ёшли Ришарлисон эса 28 миллион еврога баҳоланмоқда.