Milanning «Inter» klubi markaziy himoyachisi Alessandro Bastonining «Barselona»ga o‘tishi borasidagi xabarlar faol tarqalishda davom etmoqda.
Ispaniya ommaviy axborot vositalarining xabariga ko‘ra, «neradzurrilar»ning 26 yoshli futbolchisi — Kataloniya grandining ustuvor transfer maqsadi hisoblanadi. Insayder Fabrisio Romanoning ma’lumotlariga ko‘ra, Bastoni haqiqatan ham «Barselona»ga juda yoqadi — u mudofaa markazi uchun ideal nomzod deb hisoblanmoqda. Shu bilan birga, manbaning ta’kidlashicha, ayni damda hech qanday aniq muzokaralar olib borilmayapti. Agar futbolchi jamoadan ketish istagini bildirsa yoki «Inter» italiyalik yulduzni sotish g‘oyasini ma’qullasa, vaziyat o‘zgarishi mumkin. Biroq hozircha bunday holat kuzatilmayapti.
Transfermarkt ekspertlari Alessandro Bastonining qiymatini 80 million yevroga baholamoqdalar.
