Миланнинг «Интер» клуби марказий ҳимоячиси Алессандро Бастонининг «Барселона»га ўтиши борасидаги хабарлар фаол тарқалишда давом этмоқда.

Испания оммавий ахборот воситаларининг хабарига кўра, «нерадзуррилар»нинг 26 ёшли футболчиси — Каталония грандининг устувор трансфер мақсади ҳисобланади. Инсайдер Фабрицио Романонинг маълумотларига кўра, Бастони ҳақиқатан ҳам «Барселона»га жуда ёқади — у мудофаа маркази учун идеал номзод деб ҳисобланмоқда. Шу билан бирга, манбанинг таъкидлашича, айни дамда ҳеч қандай аниқ музокаралар олиб борилмаяпти. Агар футболчи жамоадан кетиш истагини билдирса ёки «Интер» италиялик юлдузни сотиш ғоясини маъқулласа, вазият ўзгариши мумкин. Бироқ ҳозирча бундай ҳолат кузатилмаяпти.

Transfermarkt экспертлари Алессандро Бастонининг қийматини 80 миллион еврога баҳоламоқдалар.