Fransiya terma jamoasining sobiq hujumchisi Nikolya Anelka Lamin Yamal haqidagi fikrlari bilan o‘rtoqlashdi.
«Yamal — juda yaxshi va iqtidorli o‘yinchi. Buning ustiga, u juda yosh. U eng texnik futbolchilardan biri hisoblanadi. Lamin gollar uradi, golli uzatmalarni amalga oshiradi. U maydonda doim nimadir yaratadi. U kabi o‘yinchilar hozirda unchalik ko‘p emas. Ilgari bizda bunday futbolchilar ko‘p bo‘lardi.
Ammo hozir u Yevropa va butun dunyodagi eng buyuk iste’dodlardan biridir. Mbappe bilan bir qatorda, menimcha, ularning ikkalasi ham eng zo‘ridir. Ayniqsa, gap Fransiya va Ispaniya haqida ketganda. U Ispaniya terma jamoasi uchun, Mbappe esa Fransiya uchun o‘ynaydi. Shunday ekan, bizni buyuk jang kutmoqda. Hozirdanoq «Barselona» va «Real» o‘rtasida katta to‘qnashuv ketmoqda... Bu hali uzoq davom etadi», — dedi Anelka.
