"Arsenal" shanba kuni Angliya Kubogining beshinchi bosqichida "Mansfild Taun" bilan to‘qnash keldi.
Mikel Arteta boshchiligidagi jamoa safarda 2:1 hisobida g‘alaba qozonib, chorak finalga yo‘l oldi. Natijada, "Arsenal" barcha musobaqalarda mag‘lubiyatsiz seriyasini 11 taga yetkazdi.
Bu seriya davomida "kanonirlar" to‘qqizta o‘yinda g‘alaba qozonishdi va ikkita durang o‘ynashdi. Ularning so‘nggi mag‘lubiyati 25 yanvarda "Manchester Yunayted"ga qarshi uchrashuvda (2:3) qayd etilgan edi.
"Arsenal"ning navbatdagi o‘yini chorchanba kuni "Bayer"ga qarshi bo‘lib o‘tadi.
