Bilbaoning «Atletik» klubi bosh murabbiyi Ernesto Valverde «Barselona»ga qarshi kechgan bahsdagi hakamlik borasida o‘z fikrlari bilan o‘rtoqlashdi.

«Hakam haqida hech narsa deya olmayman. Kubarsi qizil kartochkaga loyiq emas edi, chunki Joan Garsiya to‘pga yetib borishi mumkin edi. Inyakida esa hech qanday imkoniyat yo‘q edi. Albatta, men voqealarga doimo o‘z nuqtai nazarimdan va shaxsiy qarashlarimdan kelib chiqib baho beraman», — dedi Valverde jurnalistlarga.

Ispaniya chempionati 27-turidan o‘rin olgan mazkur uchrashuv «Atletik»ning 0:1 hisobidagi mag‘lubiyati bilan yakunlandi. O‘yinning 57-daqiqasida kataloniyaliklar himoyachisi Pau Kubarsi jarima maydonchasiga yorib kirishga intilayotgan hujumchi Inyaki Uilyamsni yiqitdi. Hakam bu vaziyatda sariq kartochka ko‘rsatdi, biroq «Atletik» futbolchilari bu qarordan norozi bo‘lib, qizil kartochka talab qilishdi.