Krishtianu Ronaldu ijtimoiy tarmoqlarda Xalqaro xotin-qizlar kuni munosabati bilan yangi post qoldirdi. Yulduzli portugaliyalik futbolchi turmush o‘rtog‘i, qizlari, onasi va opa-singillari bilan tushgan suratlarini namoyish etdi. Ronaldu ushbu suratlarga quyidagi so‘zlarni ilova qildi:
«Men kuchli ayollar qurshovidaman! Jorjina, qizlarim, onam va opa-singillarim... Har kuni sizlardan minnatdorman. Xalqaro xotin-qizlar kuni muborak bo‘lsin!» — deb yozdi Ronaldu.
41 yoshli Krishtianu Ronaldu ayni damda jarohatidan tiklanmoqda. Shanba kuni «An-Nasr» o‘z sardorisiz Saudiya Arabistoni chempionati doirasida «Neom» jamoasini 1:0 hisobida mag‘lub etdi. Hozirda «An-Nasr» Pro-liga turnir jadvalida peshqadamlik qilmoqda.
