Криштиану Роналду ижтимоий тармоқларда Халқаро хотин-қизлар куни муносабати билан янги пост қолдирди. Юлдузли португалиялик футболчи турмуш ўртоғи, қизлари, онаси ва опа-сингиллари билан тушган суратларини намойиш этди. Роналду ушбу суратларга қуйидаги сўзларни илова қилди:
«Мен кучли аёллар қуршовидаман! Жоржина, қизларим, онам ва опа-сингилларим... Ҳар куни сизлардан миннатдорман. Халқаро хотин-қизлар куни муборак бўлсин!» — деб ёзди Роналду.
41 ёшли Криштиану Роналду айни дамда жароҳатидан тикланмоқда. Шанба куни «Ан-Наср» ўз сардорисиз Саудия Арабистони чемпионати доирасида «Неом» жамоасини 1:0 ҳисобида мағлуб этди. Ҳозирда «Ан-Наср» Про-лига турнир жадвалида пешқадамлик қилмоқда.
