«Milan» klubining sobiq hujumchisi Andrey Shevchenko «rossonerilar» bosh murabbiyi Massimiliano Allegri haqidagi fikrlari bilan o‘rtoqlashdi.

«Allegri — bu muvaffaqiyat kafolati. «Milan»ning cho‘qqiga qaytishi — uning mahsulidir. U jamoaning raqobatbardoshligini tikladi va o‘z ixtiyorida bo‘lgan futbolchilarni yanada kuchaytirdi. U odamlarni o‘z ortidan ergashtirishni va futbolchilarni o‘z tomoniga og‘dirishni biladi. Allegri — dahshatli (kuchli) murabbiy», — deya Shevchenkoning so‘zlarini keltirmoqda Nikolo Skira.

Massimiliano Allegri 2025 yilning may oyida «Milan» boshqaruvini qo‘lga olgan edi. Bungacha u 2010 yildan 2014 yilgacha ham «rossonerilar»ni boshqargan. Uning qo‘l ostida Milan klubi Italiya chempioni bo‘lgan va Italiya Superkubogida g‘olib chiqqan.