«Милан» клубининг собиқ ҳужумчиси Андрей Шевченко «россонерилар» бош мураббийи Массимилиано Аллегри ҳақидаги фикрлари билан ўртоқлашди.
«Аллегри — бу муваффақият кафолати. «Милан»нинг чўққига қайтиши — унинг маҳсулидир. У жамоанинг рақобатбардошлигини тиклади ва ўз ихтиёрида бўлган футболчиларни янада кучайтирди. У одамларни ўз ортидан эргаштиришни ва футболчиларни ўз томонига оғдиришни билади. Аллегри — даҳшатли (кучли) мураббий», — дея Шевченконинг сўзларини келтирмоқда Николо Скира.
Массимилиано Аллегри 2025 йилнинг май ойида «Милан» бошқарувини қўлга олган эди. Бунгача у 2010 йилдан 2014 йилгача ҳам «россонерилар»ни бошқарган. Унинг қўл остида Милан клуби Италия чемпиони бўлган ва Италия Суперкубогида ғолиб чиққан.
