Madridning «Real» klubi hujumchisi Kilian Mbappe hamon jarohatidan tiklanish jarayonini o‘tamoqda.
Fransiyalik futbolchi Chempionlar ligasi 1/8 finali doirasidagi «Santyago Bernabeu»da bo‘lib o‘tadigan «Manchester Siti»ga qarshi dastlabki uchrashuvda aniq ishtirok etmaydi, shuningdek, Angliyadagi javob o‘yinini ham o‘tkazib yuborish xavfi bor. «Real» rahbariyati yulduz forvardning imkon qadar tezroq maydonga qaytishini va hal qiluvchi bahslarda jamoaga yordam berishini istamoqda, biroq futbolchining atrofidagilar bunday yondashuvga qo‘shilishmayapti. Cadena SER nashrining xabar berishicha, Mbappega yaqin insonlar u to‘liq tiklanmaguncha maydonga tushmasligini bildirishgan. 27 yoshli futbolchi Jahon chempionati oldidan sog‘lig‘ini xavf ostiga qo‘yishni istamayapti.
Kilian Mbappe joriy mavsumdagi 33 ta o‘yinda o‘z hisobiga 38 ta gol va 6 ta golli uzatmani yozdirib qo‘yishga ulgurdi.
