Milanning «Inter» klubi chap qanot himoyachisi Federiko Dimarko «Liverpul» e’tiboriga tushdi.

«The Touchline» nashri bergan ma’lumotga ko‘ra, 28 yoshli futbolchi «qizillar»ning ustuvor transfer maqsadlaridan biriga aylangan. Italiyalik futbolchining o‘zi ham ushbu transferga qarshi emas — u Angliya Premyer-ligasida o‘z kuchini sinab ko‘rishdan mamnun bo‘lardi.

«Transfermarkt» portali mutaxassislarining bahosiga ko‘ra, Federiko Dimarkoning qiymati 50 million yevroni tashkil etadi, uning «neradzurri» bilan shartnomasi esa 2027 yilgacha amal qiladi. O‘tgan qishda lateralga «Manchester Yunayted» tomonidan ham qiziqish borligi haqida xabarlar paydo bo‘lgan edi.

Joriy mavsumda Dimarko 36 ta o‘yinda ishtirok etib, o‘z hisobiga 7 ta gol va 15 ta golli uzatmani yozdirib qo‘ydi.