Миланнинг «Интер» клуби чап қанот ҳимоячиси Федерико Димарко «Ливерпуль» эътиборига тушди.

«The Touchline» нашри берган маълумотга кўра, 28 ёшли футболчи «қизиллар»нинг устувор трансфер мақсадларидан бирига айланган. Италиялик футболчининг ўзи ҳам ушбу трансферга қарши эмас — у Англия Премьер-лигасида ўз кучини синаб кўришдан мамнун бўларди.

«Transfermarkt» портали мутахассисларининг баҳосига кўра, Федерико Димарконинг қиймати 50 миллион еврони ташкил этади, унинг «нерадзурри» билан шартномаси эса 2027 йилгача амал қилади. Ўтган қишда латералга «Манчестер Юнайтед» томонидан ҳам қизиқиш борлиги ҳақида хабарлар пайдо бўлган эди.

Жорий мавсумда Димарко 36 та ўйинда иштирок этиб, ўз ҳисобига 7 та гол ва 15 та голли узатмани ёздириб қўйди.