«Barselona» bosh murabbiyi Xans-Diter Flik Chempionlar ligasi doirasida «Nyukasl»ga qarshi bo‘lib o‘tadigan o‘yin oldidan qaysi chempionat eng kuchli ekani haqida o‘z fikrini bildirdi.
«APL — dunyoning eng yaxshi ligasi. U yerda puli ko‘p bo‘lgan kuchli jamoalar bor. YECHLning hozirgi bosqichida ham ularning jamoalari talaygina.
Bizning jamoamiz ham mahoratli va biz o‘zimiz istagandek o‘ynashda davom etishimiz, buni muxlislarga ko‘rsatishimiz kerak.
Ertaga fantastik muhit bo‘ladi. Raqib yaxshi o‘ynayapti, individual pressingdan foydalanmoqda. Ularda tezkor futbolchilar bor.
Biz yaxshi himoyalanishimiz kerak, chunki ikkala o‘yin ham muhim. Birinchi bahsda «Atletiko» bilan bo‘lgan voqeani (Ispaniya Kubogidagi 0:4 hisobidagi mag‘lubiyat) inobatga olib, ehtiyotkorlik bilan harakat qilish lozim», — dedi «Barselona» bosh murabbiyi.
