«Барселона» бош мураббийи Ханс-Дитер Флик Чемпионлар лигаси доирасида «Ньюкасл»га қарши бўлиб ўтадиган ўйин олдидан қайси чемпионат энг кучли экани ҳақида ўз фикрини билдирди.
«АПЛ — дунёнинг энг яхши лигаси. У ерда пули кўп бўлган кучли жамоалар бор. ЕЧЛнинг ҳозирги босқичида ҳам уларнинг жамоалари талайгина.
Бизнинг жамоамиз ҳам маҳоратли ва биз ўзимиз истагандек ўйнашда давом этишимиз, буни мухлисларга кўрсатишимиз керак.
Эртага фантастик муҳит бўлади. Рақиб яхши ўйнаяпти, индивидуал прессингдан фойдаланмоқда. Уларда тезкор футболчилар бор.
Биз яхши ҳимояланишимиз керак, чунки иккала ўйин ҳам муҳим. Биринчи баҳсда «Атлетико» билан бўлган воқеани (Испания Кубогидаги 0:4 ҳисобидаги мағлубият) инобатга олиб, эҳтиёткорлик билан ҳаракат қилиш лозим», — деди «Барселона» бош мураббийи.
